Үстіміздегі жылдың 10 қарашасында Душанбе қаласында ТМД-ға мүше мемлекеттердің барлау қызметтері мен қауіпсіздік органдарының жетекшілері кеңесінің ХІІ отырысы өтіп, оның жұмысына ҚР «Сырбар» СБҚ делегациясы қатысты.
Аталған форумда кеңеске қатысушылар ынтымақтастықтың көкейтесті мәселелерін талқылап, халықаралық терроризм мен діни экстремизмге, оның таралуына және ТМД-ға қатысушы ел азаматтарының радикалды ұйымдардың жұмыстарына тартылуына қарсы күрес салаларында көпжақты да, екіжақты да біріккен іс-шаралардың белсенді түрде жүргізілу қажеттігін атап өтті.
Кеңес жұмысының нәтижесі бойынша қорытынды құжат – меморандум қабылданды, онда қатысушылар аталған теріс әрекеттерге бірге қарсы тұруға дайын екендіктерін білдірді.
«Егемен-ақпарат».