Қарағандыдағы «Достық үйінде» Қазақстан халқы Ассамблеясының бірыңғай күні өтті

Іс-шараға этномәдени бірлес­тіктердің төраға­лары, Аналар кеңесінің, ғылыми-сараптамалық топтың, Қара­ғанды облыстық ҚХА жас­тар үйлестіруші кеңес­­терінің мүшелері, саяси пар­тиялар­дың облыстық фи­лиал­дары­ның жетекшілері және БАҚ өкілдері қатысты.

Президенттің бес әлеу­мет­тік бастамасының негізгі ере­желері талқыланған бас­қосуда Қарағанды облыстық Қазақстан халқы Ассамблея­сы хатшылығының басшысы Ерлан Құсайын Елбасы Үн­деуінің заман талабымен үй­лесім тапқан мазмұнына тоқ­талып, игі жобалардың Мәң­гілік Ел болуға ұмтылған Қа­зақ­­стан үшін қаншалық­ты мәні зор екенін тарқата айтып берді. «Елбасы Н.Назарбаевтың бес әлеуметтік бастамасы мемлекетіміздің әрбір азаматының әлеуметтік-эко­но­микалық әл-ауқатын нығай­туға мүмкіндік береді, өйткені бұл сала тәуелсіз Қазақстанның кон­фессияаралық келісімі мен бірлігін одан әрі күшейте түсуге негіз қалайтын іргетас болып табылады», деп атап өтті ол.

Сонымен қатар облыстық ҚХА Аналар кеңесінің төрайымы Д.Касапиди бес әлеуметтік бас­таманың өмірлік маңызы бар салаларды жаңғыртудағы жаңа да жақсылығы мол қадамдар екенін атап өтті.

Іс-шараға қатысушылар «Президенттің бес әлеуметтік бастамасы» атты Үндеуі жөнінде өз пікірлерін ортаға салып, тұр­ғындар әлеуетін жақсартуға ба­ғыт­талған келешегі кемел бас­та­ма­ны бірауыздан қолдады. 

Қайрат ӘБІЛДА, «Егемен Қазақстан»

ҚАРАҒАНДЫ