Облыс орталығындағы С.Торайғыров атындағы мемлекеттік университет ректоры Гаухар Ахметова оқу орнының ұжымына Рам Виранджанды таныстырды.
PhD докторы, профессор Рам Виранджан Үндістанның жетекші жоғары оқу орындарының бірі - Курукшетр универитетінің бейнелеу өнері кафедрасының меңгерушісі қызметін атқарады.
Енді оқу орнына жаңадан тағайындалған проректор Рам Виранджи 9 ай бойы атқаратын жұмысы біздің жергілікті университетке Үндістан, Пәкістан, Шри-Ланка, Бангладеш, Қытай елдерінен студенттер мен талапкерлерді тартуға бағытталады.
Жаңа проректор жоғары оқу орындарының топ-менеджментіне шетелдік мамандарды тартуды мақсат ететін еліміздің 2016-2019 жылдарға арналған Білім және Ғылымды дамыту бағдарламасы аясында тағайындалды.
Фарида Бықай,
«Егемен Қазақстан»
Суретті түсірген Руфина Торпищева