Нұрлан Нығматулин ресми сапармен Мәскеуге барды

Сонымен бірге Мемлекеттік Думада «Қазақстан – Ресей ға­сыр­ларға жалғасқан достық» көрмесінің ашылуы болды.

Парламент палаталары басшыларының кездесуіне Қазақ­стан мен Ресей арасын­дағы қарым-қатынасты сөз еткен Мәжіліс Төрағасы жоға­ры деңгейдегі кездесулер мен жеткен жетістіктер стратегия­лық әріп­тес саналатын қос мем­ле­кет­­тің өзара іс-қимылының жар­қын үлгісіне айналғандығын атап өтті.

Н. Нығматулиннің пікірінше, біздің елдеріміз арасында се­нім­ді саяси үнқатысу орнап, терең экономикалық байланыстар арт­қан, мәдени-гуманитарлық ынты­мақтастық жыл сайын ны­ғайып келеді. Мәжіліс Спикері атап өткендей, бұл – Қазақстан мен Ресей басшылары Нұрсұлтан Назарбаев пен Владимир Пу­тиннің өзара түсіністік пен дос­тыққа негізделген бірлескен тиімді жұмысының нәтижесі.

Н.Нығматулин екі ел бас­шыларының келісімдерін заң­намалық тұрғыдан қолдауға ерекше назар аударды.

Мемлекеттік Дума Төрағасы Мәжіліс делегациясының ресми сапарының маңыздылығына тоқталды. Бұл – соңғы 10 жыл­дағы алғашқы сапар. В.Воло­дин қазақстандық және ресей­лік депутаттардың бүгінгі кез­де­сулері парламентаралық ынты­мақтастықты дамытуға тың серпін беретінін айтты.

Қазақстан-Ресей байланысын дамытудың өзекті мәселелері Мәскеуде өткен екі ел парла­мент­тері палаталарының басшы­лары Нұрлан Нығматулин мен Вячеслав Володин қатыс­қан Мем­лекеттік Дума мен Пар­ла­мент Мәжілісі арасындағы ын­ты­мақтастық туралы пала­та­­ара­лық парламенттік комис­сия­ның 10-отырысында одан әрі жалғасты.

Күн тәртібінде шекаралас ын­тымақтастықтың перспекти­валары, көлік және логистика, инновацияны және экономи­каны цифрландыру мәселелері тал­қыланды. Осыған орай Н.Нығ­­матулин инновациялық тех­нологияларды енгізу, экономиканы цифрландыру Қазақстан Президенті Нұрсұлтан Назар­баевтың халыққа Жолдауында айтылған маңызды міндеттердің бірі екенін атап өтті. Цифрлы эко­номиканы дамытуды және оның бәсекеге қабілеттілігін арт­тыруды заңдық тұрғыдан қол­дау екіжақты стратегиялық әріп­тестікті нығайтуға жол ашады.

Екі елдің тату көршілік қарым-қатынасын Мәжіліс Төра­ғасы Н.Нығматулин және Мем­ле­кеттік Дума Спикері В.Во­ло­дин қатысқан «Қазақстан және Ресей: ғасырларға жалға­с­қан достық!» көрмесіне қойылған суреттер айшықтай түсті. Н.Нығ­матулин көрменің ашылуында сөйлеген сөзінде:

– Көрменің тақырыбы да, оған қойылған экспонаттар да Қа­зақстан мен Ресейдің 25 жыл ішінде жүріп өткен тарихи жо­лынан сыр шертеді. Біздің ел­деріміздің басшылары Нұр­сұлтан Әбішұлы Назар­баев пен Владимир Влади­ми­рович Путиннің салиқалы саясатының арқасында Қазақ­стан мен Ресей ең жақын, ең бауырлас елдер ретінде бүгін­гі күні мемлекетаралық ынтымақ­тастықтың жарқын үлгісін көрсетіп келеді. Бұл біздің бүгінгі және болашақ табыс­тарымыздың кепілі. Осы жолда парламентаралық байланыстың да рөлі өте зор, – деді.

Өз кезегінде Мемлекеттік Дума Төрағасы көрме ортақ тари­хымызды еске алып, бола­шаққа байлам жасаудың тамаша көрінісі екенін атап өтті.

– Бұл сапар біздің әріптестік мүмкіндігіміздің зор екенін көр­сетеді. Мемлекеттік Дума мен Парламент Мәжілісі арасын­дағы ынтымақтастық туралы пала­тааралық парламенттік комис­сияның жұмысы өте маңыз­ды. Әсіресе, біздің елдері­міз басшыларының келісім­дерін заңнамалық тұрғыдан қамта­масыз ету жолында өзектілігі жоғары, – деді В.Володин.

Көрмеде Мемлекеттік Ду­маның XX ғасыр басындағы бірінші және екінші шақырылым жұмыстарының мұрағаттық суреттері қойылған, ол жұмыс­тарға қазақ депутаттары да қа­тысқан болатын.

Ал ортақ тарих туралы Ұлы Отан соғысы, тың игеру ке­зеңіндегі ерліктер, Байқоңырдан ғарышқа алғашқы сапар жа­йын­дағы естелік қойылған.

Көрменің ашылуына қа­тысқан алғашқы әйел-ғарышкер, қазірде Мемлекеттік Дума депутаты Валентина Терешкова Қазақстан Президентіне деген ыстық ықыласын жеткізді. Ол өз сөзінде:

– Біздің елдеріміздің тұр­ғындары ең алдымен, Нұрсұлтан Әбішұлы Назарбаевқа айрықша ілтипатпен және құрметпен қарайды. Мен де өз халқының игілігі үшін қызмет ететін әйгілі мемлекет қайраткерін зор құрмет тұтамын, – деді.

Сондай-ақ көрмеде екі мем­лекет тәуелсіздігінің алғашқы жылдарынан орнаған қарым-қатынас жайында мағ­лұмат беретін естеліктер бар. Ол суреттерден Елбасы Нұр­сұлтан Назарбаевтың Ресей прези­денттерімен кездесулері кезін­де маңызды стратегиялық құжат­тарға қол қойып жатқан сәт­терін, Еуразиялық интеграция ту­ралы алғаш рет жария еткен М.В.Ломоносов атындағы ММУ-де сөз сөйлеген сәттерін көруге болады.

– Президент Нұрсұлтан Назарбаев айтқан еуразиялық идея – ол тек идея ғана емес, ол – жүзеге асқан бағдарлама. Біз Еуразиялық одақсыз сенім­ді, тұрақты болашақты қамта­масыз ете алмайтынымызды түсінуіміз керек. Сондықтан Қазақстан Парламенті Мәжілісі мен Мемлекеттік Думаның осы идеяны жүзеге асыру жолында бірлесе іс-қимыл жасайтыны құптарлық, – деді «Ресей Феде­рациясы Коммунистік партиясы» фракциясының жетекшісі Ген­надий Зюганов.

Көрме барысында, сондай-ақ тәуелсіз Қазақстанның ай­шықты белгісі – Астанаға да ай­рықша назар аударылған. Көр­меге қойылған Астананың даму қарқыны мен көз тартар сұ­лулығынан сыр шертетін су­реттер көпшіліктің қызығу­шылығын тудырды.

Осы орайда Мемлекеттік Дума депутаты Ирек Зиннуров:

– Назарбаев – нағыз Көш­басшы. Сондықтан да сіздер­дің елде болып жатқан барлық өзгерістер тікелей Прези­дент­тің атымен байланысты. Бұл Астанаға да қатысты деу­ге болады. Мен ол жерде бұрын да болғанмын, кейін де бардым. Бұл – ертегі қала, – деген пікірін білдірді.