Еліміздегі аса ірі экономикалық құрылымдардың бірі – «ҚазАгро» ұлттық холдингі ел Тәуелсіздігінің 20 жылдығына және холдингтің құрылуының 5 жылдық мерейтойына орайлас журналистер арасында байқау жариялаған болатын. Жыл бойы жүргізілген байқауға жүзден астам журналистер қатысты. Байқау қорытындысында солардың арасында жүзден жүйрік шыққандары Астанада бас қосты.
Байқауды ұйымдастыру комитетінің хабарлағанындай, конкурстың жеңімпазы болып «Егемен Қазақстан» газетінің экономикалық шолушысы, әріптесіміз Сұңғат Әліпбай танылды. Екі екінші орынға «Эксперт Казахстана» журналының тілшісі Ольга Флинк пен «Хабар» арнасының журналисі Әлия Есенова ие болды. Үш үшінші орын «Костанайские новости» газетінің тілшісі Темір Түркістановқа, «Алау» телеарнасының жаңалықтар қызметінің редакторы Татьяна Морозға, «Астана» радиосының ақпараттық бағдарламасының жетекші редакторы Сайран Құсайыноваға бұйырды.
Сондай-ақ «Айқын» газетінің экономикалық шолушысы Алма Мұхамеджанова, «СТВ» телеарнасының бас редакторы Бауыржан Бердімұратов, «Корпорация» газетінің бас редакторының орынбасары Дидар Бегалиев, «Агрожаршы» газетінің бас редакторы Мәнсия Сәкенова 100 мың теңгелік көтермелеу сыйлықтарына ие болды.
Конкурс жеңімпазы мен жүлдегерлерін «ҚазАгро» холдингінің басқарма төрағасы Берік Бейсенғалиев, оның орынбасарлары Қайрат Айтуғанов пен Лилия Мусина және холдинг құрамындағы корпорациялардың басшылары құттықтады.
Әбдірахман ҚЫДЫРБЕК.