Ақтауда шаңды дауыл тұрып, қаланы басып қалды, деп жазады Lada.kz.
Порталдың жазуынша, қала тұрғындары дауыл жөніндегі фотосуреттер мен бейнетұсірілімдерді желіге жариялап жатыр. Осыған дейін синоптиктер шаңды дауыл көтерілетіні туралы жазған болатын. Ауа райы болжамы бойынша, желдің жылдамдығы секундына 15-тен 20 метрге дейін жетеді.
Айта кететін мәселе, Ақтау әуежайында бірнеше рейс бөгеліп қалды. Онлайн-таблодағы деректерге қарағанда, Ақтауға сағат 21-40-та Алматы, Ақтөбе және Көкшетаудан келуі тиіс рейстер кешігіп жатыр. Шымкенттен келетін екі рейстің бағыты жабық. Бірнеше рейс кешігіп жеткен.