Футболдан 2019-2020 жылғы маусымның УЕФА Суперкубогы Португалияның «Драгау» стадионында өтетін болды. Бұл туралы Еуропа футбол қауымдастығы (УЕФА) хабарлады.
Мұндай шешім 24 мамыр күні Киев қаласында өткен УЕФА-ның атқарушы комитетінің отырысында қабылданды. 2020 жылғы УЕФА Суперкубогін қабылдауға сегіз ел үмітті болған еді. Португалиядан бөлек өз ұсыныстарын Алматы (Қазақстан), Албания, Беларусь, Израиль, Финляндия, Солтүстік Ирландия және Франция өткізген.