Ағылшындар «Түркісібті» тамашалады

Бағдарламада айтылғандай, қа­зақстандық қоғамды жаңғыр­тудың бірінші талабы ұлттық код пен өз мәдениетін сақтау еке­­ні баршаға аян. Тарихи тә­жі­­рибе мен ең озық ұлттық дәс­түрлер жаңғыру жолындағы же­­тіс­тіктердің маңызды шарты болып саналатындықтан, ол Қазақстанның заманауи мә­­дениеті алдында да жауап­кер­шілікке ие. Осыған орай шараны ұйымдастырушылар талай жыл мұрағатта шаң басып жатса да, кейін тынысы қайта ашылып, америкалық және британдық документалистерге ерекше әсер еткен, тамыры тереңнен сыр тар­татын алғашқы кинотуындыны жарыққа қайта алып шығып, ағылшын кө­рер­мендеріне жа­қынырақ таныс­тыруды жөн деп тапқан. Се­бе­бі қазақ даласында түсірілген туын­дыға «әлемде бұрын-соңды болмаған бірегей деректі фильм» деп баға берген де осы британдық ки­но инсти­тутының мамандары бо­латын.

Фильмді ағылшын көрер­мен­деріне таныстырудағы мақсат – Қазақстанның оң имиджін қа­лыптастыруға әсері бар ки­но мен музыка саласындағы отан­­­дық авторлардың таңдаулы шығар­маларының маңызын арт­тыра түсу. Сол себепті Еу­ро­па төріндегі өнер залында «Қа­­зақстан камератасы» мен «Түркісіб» фильмі қатар ұсы­нылды. Тоқсан жыл бұрын Ор­­та Азия мен Сібірдің арасын қосқан магистральдың салыну тарихынан сыр шерткен «Түркісіб» фильмнің ре­жис­сері Виктор Турин. Фильм то­лы­ғымен өңделгеннен кейін «Қазақстан камератасы» мем­ле­кеттік камералық ор­­кес­трі орындаушыларының сүйе­мел­деуімен белгілі композитор Қуат­ Шілдебаев оған арнап ән жаз­ды. «Қазақстан камератасы» мемлекеттік камералық ор­кестрінің көркемдік жетекшісі – Қазақстанның халық әртісі Гауһар Мырзабекова.

Лондонда өткен шараға Қа­зақстан Республикасының ел­шілігі, Ұлыбританиядағы дип­­ло­матиялық корпус, Бри­та­ния кино институты, музыка қай­раткерлері, зиялы қауым өкіл­дері, Лондондағы қазақ диаспо­расы, сарапшылар мен БАҚ өкіл­дері қатысты.

Айгүл АХАНБАЙҚЫЗЫ, «Егемен Қазақстан»

АЛМАТЫ