Елорданың Алматыдан Ақмолаға көшуі Тұңғыш Президенттің тарихи революциялық шешімі болды. Жалпы, ішкі саясатта да, сыртқы қарым-қатынастарда да «ақырын жүріп, анық басуды», «жеті рет өлшеп, бір рет кесуді» басты ұстаным еткен Елбасының бұл шешімі – тәуелсіздігіміздің тұғыры бекуіне, еліміздің әлеуеті күшеюіне, халқымыздың өмірінде үлкен серпіліс, тың бетбұрыс болуына тікелей ықпал еткені бүгін сөзсіз дәлелденіп отыр. Бүгінгі күні Астананың келбетіне, даму қарқынына қарап Н.Назарбаевтың күні бұрын болжайтын сұңғыла саясаткерлігіне тәнті болып отырмыз.
G M T Определить языкАзербайджанскийАлбанскийАнглийскийАрабскийАрмянскийАфрикаансБаскскийБелорусскийБенгальскийБирманскийБолгарскийБоснийскийВаллийскийВенгерскийВьетнамскийГалисийскийГреческийГрузинскийГуджаратиДатскийЗулуИвритИгбоИдишИндонезийскийИрландскийИсландскийИспанскийИтальянскийЙорубаКазахскийКаннадаКаталанскийКитайский (Упр)Китайский (Трад)КорейскийКреольский (Гаити)КхмерскийЛаосскийЛатинскийЛатышскийЛитовскийМакедонскийМалагасийскийМалайскийМалайяламМальтийскийМаориМаратхиМонгольскийНемецкийНепалиНидерландскийНорвежскийПанджабиПерсидскийПольскийПортугальскийРумынскийРусскийСебуанскийСербскийСесотоСингальскийСловацкийСловенскийСомалиСуахилиСуданскийТагальскийТаджикскийТайскийТамильскийТелугуТурецкийУзбекскийУкраинскийУрдуФинскийФранцузскийХаусаХиндиХмонгХорватскийЧеваЧешскийШведскийЭсперантоЭстонскийЯванскийЯпонский АзербайджанскийАлбанскийАнглийскийАрабскийАрмянскийАфрикаансБаскскийБелорусскийБенгальскийБирманскийБолгарскийБоснийскийВаллийскийВенгерскийВьетнамскийГалисийскийГреческийГрузинскийГуджаратиДатскийЗулуИвритИгбоИдишИндонезийскийИрландскийИсландскийИспанскийИтальянскийЙорубаКазахскийКаннадаКаталанскийКитайский (Упр)Китайский (Трад)КорейскийКреольский (Гаити)КхмерскийЛаосскийЛатинскийЛатышскийЛитовскийМакедонскийМалагасийскийМалайскийМалайяламМальтийскийМаориМаратхиМонгольскийНемецкийНепалиНидерландскийНорвежскийПанджабиПерсидскийПольскийПортугальскийРумынскийРусскийСебуанскийСербскийСесотоСингальскийСловацкийСловенскийСомалиСуахилиСуданскийТагальскийТаджикскийТайскийТамильскийТелугуТурецкийУзбекскийУкраинскийУрдуФинскийФранцузскийХаусаХиндиХмонгХорватскийЧеваЧешскийШведскийЭсперантоЭстонскийЯванскийЯпонский Звуковая функция ограничена 200 символами Настройки : История : Обратная связь : Donate ЗакрытьПрезиденттің астананы ауыстыру туралы шешімі сол кезде көпшілік үшін де, мен өзім басшылық ететін ішкі істер саласының жеке құрамы үшін де мүлде күтпеген, тосын жаңалық болды. Сол тұста бұл идеяны қолдағандар көп болды, сонымен қатар қарсы болғандар қарасы да қалың еді. Барлығы бірден қолдай кетті десек, ақиқаттан алыстаған болар едік.
Иә, ол расымен де экономикалық тұрғыдан қиын кезең болатын. Бірақ Президент бұл мәселеде ерекше табандылық танытып, жаңа астана болатын Ақмолада дайындықты сол кезден бастау қажеттігін, Үкіметті, басқа да жауапты мекеме, ұйымдарды көшіру ісін ұзағанда бір жарым жыл ішінде жүргізу және бітіру керектігін алға қойды. Өйткені Мемлекет басшысы елдің ордасын ауыстырып, алдағы қыруар істі сол жерден бастау жұмысы ырғалып-жырғалып жүруді күтпейтінін, бұл тікелей тәуелсіздікті сақтау мен нығайту мәселесі екенін анық білді.
Бірінші болып көшетіндер арасында міндетті түрде Ішкі істер министрлігі болатынын біз алдын ала шамалап, мен көшуден алты ай бұрын, яғни 1997 жылдың маусым айында-ақ Ақмола қаласына арнайы жедел топ аттандырдым. Олар жеке құрам орналасатын ғимараттарды, орындарды қарастырып, дайындаумен айналысты. Өйткені сол кезде жеке құрам саны 3 мыңға жуықтайтын. Сондықтан біз мұнда жеке құрамға арнап бірнеше үй тұрғыздық. Жеке құрам түгел отбасымен осында келгенде, оларға темір жол вокзалында бірден пәтер кілтін табыс еттік. Алматыда қызмет істеп жүргенде көптеген қызметкердің пәтері жоқ еді, бірақ Ақмолаға келісімен бәрі үйлі болып шыға келді. Жаңа қалада, жаңа өмір бастау, жаңа бастамаларға кірісу ерекше қуантты.
Расы керек, біз Ішкі істер министрлігінің ғимаратын жаңадан тұрғыздық «Алатау» спорт кешенін салдық. Бұл спорт кешеніне байланысты бір тарихи жайды да айта кетейін. Сонау1999 жылдың аяғында, яғни жаңа ғасырды қарсы алу сәтін Нұрсұлтан Әбішұлы осы «Алатау» спорт кешенінде өткізуді ұйғарды. Бұл біз үшін үлкен мәртебе болды. Ішкі істер министрлігі ғимараты мен осы «Алатау» спорт кешенін салу барысында Елбасы оның құрылысына үлкен көңіл бөлді.
Сол кезде қала әкімі болып қызмет істеген Әділбек Жақсыбеков бізге үлкен көмек көрсетті. Ол біздің барлық мәселелерімізді сөзбұйдаға салмай шешіп отырды. Біз өзара түсіністікте жұмыс істедік. Қала әкімдігі Ішкі істер министрлігіне ғана емес, барлық салаларға көмегін аяған жоқ.
Әрине арада айтыс та, дау да болмай қалған жоқ. Әркім өз саласының жанданғанын, мәселелерінің бірінші шешілгенін қалайтыны түсінікті ғой, пікірталастар осы төңіректе болатын. Тұтастай алғанда баршамыз Елбасының күн сайынғы, апта сайынғы нұсқауымен жаңа елорданы жандандыру ісін ұйымдаса атқардық.
Көшіп келісімен, біз алғашқы күннен бастап-ақ қоғамдық тәртіп мәселесіне айрықша мән бердік. Өйткені көшіп-қону, орналасу, тағы басқа жағдайлар барысы тәртіп сақтауға, қылмыс ахуалына еш әсер етпеуі тиіс еді. Біздің негізгі міндетіміз де сол ғой. Оның үстіне Кеңес Одағы ыдыраған кезде, тоқсаныншы жылдары қылмыстық ахуал қиын болғанын жұрт жақсы біледі. Мұндай жағдай тек Қазақстанда ғана емес, Одақтан бөлініп шыққан барлық елдерде орын алды. Қылмыс өршіп кетті.
Ұйымдасқан қылмыстық топтар бой көрсетті. Контрабанда, есірткі бизнесі де күшейе түсті. Ауғанстан, Тәжікстан, Қырғызстан, Өзбекстан және Қазақстанда Еуропаға, Ресейге шығатын трансұлттық деңгейдегі есірткі тасымалдаушылар пайда болды. Бұдан соң жұртқа қоқан-лоққы жасап, күш көрсететін топтар шықты. Мұның барлығы елдің экономикалық, әлеуметтік дамуына үлкен кедергі келтіретін мәселе екені белгілі. Сондықтан біздің алдымызда осының барлығын қысқа уақыттың ішінде реттеу міндеті тұрды. Осы орайда, жаңа астана тұрғызылып, барлық салалардың жаңаша құрылымдалуы ішкі істер органының да жұмысы жүйеленуіне, қарқын алуына үлкен ықпалын тигізгенін айта кету ләзім.
Елбасы үлкен көшті бастап, жаңа елордаға келген соң, мұнда халықаралық деңгейдегі кездесулер де жиі өткізіле бастады. Мемлекет басшысын, шетелдік жоғары лауазымды адамдарды салтанатты түрде алып жүру мемлекеттік автоинспекцияға жүктелетін. Ал олардың талапқа сай тәжірибесі жоқ еді. Соған орай біз мұнда жарты жыл бұрын арнайы жол-көлік батальонын жібердік. Олар жаңа астанада алты ай бойына дайындықтан өтті. Оған қоса алдағы уақытта Үкіметтік мекемелерді күзететін күзет полкін аттандырдық. Өйткені бірден Ақорда, Парламент, Үкімет Үйін және т.б. маңызды ғимараттарды күзетке алу керек болды. Осыған орай ішкі әскер құрамы да толықтай көшірілді. Осы міндеттердің бәрін қысқа мерзім ішінде ойдағыдай жүзеге асырдық. Және осындай аса ұйымшылдықпен жүргізілген жұмыстардың арқасында құқық қорғау органдарын жаңа астанаға көшіру ың-шыңсыз жүзеге асырылды.
Қайырбек СҮЛЕЙМЕНОВ,
мемлекет және қоғам қайраткері