Астананың 20 жылдығы мерекесі қарсаңында Елордаға киелі Түркістан облысынан келген бір топ ардагерлер қазақ баспасөзінің қарашаңырағы «Егемен Қазақстан» газетінде болып, редакцияның тыныс-тіршілігімен танысты.
Бас басылымды қызыға оқитындарын жеткізіп, игі тілектерін айтты. Емен-жарқын кездесуде тариxтан бастап, ауылдағы мәселелерге дейінгі біраз дүниелер талқыланды. Оқырмандар газетте көтерілген мәселелердің халықтың қолдауына ие болып жатқаны, тарихи - рухани жаңғыруға қатысты тақырыптардың көкейден шығатынын айтты.
«Егемен Қазақстан» газетінің басшысы Д. Қыдырәлі басылымның қазіргі жетістіктері мен келешек жоспарлары туралы айтып берді. Кездесу соңында, газеттің тарту-таралғысы жасалып, естелік суретке түсті.
Құрманәлі ҚАЛМАХАН,
"Егемен Қазақстан"