Ел Тәуелсіздігінің жиырма жылдық мерейтойы қарсаңында белгілі көсемсөзші әрі жазушы Бейбіт Сапаралының «Тұңғыш Президенттің балалық шағы» деген кітап-альбомы жарыққа шықты.
Ғұмырбаяндық деректер мен естелік-толғаулар молынан қамтылған, сирек кездесетін фотоқұжаттармен безендірілген бұл кітап-альбом «Әфсанамен өрілген аңыз ғұмыр», «Үшқоңыр жайлауында туып-өстім!», «Қасиетіңнен айналайын, Қаскелең!» және «Болашақта кімдер болмақ Президент?» атты төрт бөлімнен тұрады. Автордың еліміздің Тұңғыш Президенті – Елбасы Н.Ә.Назарбаевтың балалық шағы, есею жылдары туралы осы аттас кітабы 1995 жылы жеке кітап болып шыққан еді. Ал бұл кітапқа Бейбіт Сапаралы сол кітапты негізге ала отырып, тың деректер мен Президенттің сыныптастарының айтқан соны пікір-естеліктерін, өскен ортасын, туған өлкесін шынайы көрсете білген екен. Сондықтан да автордың аталған еңбегі еш боямасыз тартымды оқылады. «Тұңғыш Президенттің балалық шағының» тағы бір ерекшелігі, бұл дүниеде өлкетану, жамбылтану, сондай-ақ нұрсұлтантану тақырыптарына байланысты кейбір өзекті мәселелердің де қамтылуы дер едік. Осы арқылы да кітап-альбом өзінің танымдық, тағылымдық және насихатшылық қырын арттырып отыр. Әлисұлтан ҚҰЛАНБАЙ.
•
15 Желтоқсан, 2011
Танымдық, тағылымдық мәні зор
537 рет
көрсетілді