Аса құрметті Нұрсұлтан Әбішұлы!
Астананың негізін қалаушы Сізді және Қазақстан Республикасының халқын қаланың 20 жылдық мерейтойымен шын жүректен құттықтаймын.
Қаланың тарихы біздің халықтарымыздың тағдырымен тікелей байланысты. Ал оның болашағы өміршең әрі ауқымды мақсаттар мен жобаларға негізделген.
Аз ғана уақыттың ішінде Астана Орталық Азиядағы ең әсем шаһарға айналып, жаңа заман қаласы ретінде танылды. Заманауи Астана тәуелсіз Қазақстанның жетістіктері мен гүлденуінің символы болып табылады. Сондай-ақ ол бірегей архитектуралық көрінісімен ерекшеленеді. Мен Сізге және Қазақстан халқына күш-жігер, табыс, амандық тілеймін!
Владимир ФОРТОВ, Ресей Ғылым академиясының академигі