Мемлекет басшысы Армения Республикасының Премьер-Министрі Никол Пашинянмен телефон арқылы сөйлесті, деп хабарлайды Ақорданың баспасөз қызметі.
Әңгімелесу барысында екі жақты ынтымақтастықты дамыту, сондай-ақ Қазақстан мен Арменияның Еуразиялық экономикалық одақ және Ұжымдық қауіпсіздік шарт ұйымы аясындағы өзара ықпалдастық мәселелері талқыланды.
Телефон арқылы сөйлесуге Армения жағы бастамашы болды.