АҚШ-та алаяқтық жасады деген күдікпен ұсталған қазақстандық азаматшаларға қатысты бірінші сот отырысы өтті, - деп хабарлайды ҚР СІМ баспасөз қызметі.
«2018 жылдың 8 тамызда осы іс бойынша бірінші сот тыңдалымы өтті. Біздің отандастарымызға ақша жымқырумен айналысқан қылмыскерлерге қатысы бар деген айып тағылды», - делінген ҚР СІМ хабарламасында.
Келесі сот отырысы 2018 жылдың қазанына белгіленді.
Естеріңізге сала кетейік, 1994, 1991 және 1970 жылғы үш қазақстандық азаматша мен тағы 22 адам АҚШ-та көліктерді сатып, ірі көлемдегі алаяқтық жасап ұсталған болатын.