Астанадағы «Сарыарка» велотрегінде мемлекеттік қызметкерлер арасында спорттық шаралар өтуде. Бұл туралы Спорт және дене шынықтыру істері комитетінің баспасөз қызметі хабарлады.
Спорт күніне арналған шарада шағын футбол, волейбол, теннис және шахмат бойынша жарыстар өткізілуде.
Әр жылы тамыздың үшінші жексенбісі елімізде спорт күніне арналған шаралар өтеді. Мереке Елбасы Нұрсұлтан Назарбаевтың 2003 жылдың 15 қарашасындағы жарлығына сәйкес бекітілген. Осы жылы Спорт күні 19 тамызға түсіп тұр.
Бұл мереке спортты дамытуға, спортшылардың жетістіктерін мадақтауға бағытталған. Еліміз бойынша бұл күні түрлі спорттық шаралар ұйымдастырылады.