Еуропа лигасының топтық кезеңіне жолдама алған «Астана» футбол командасының УЕФА рейтингіндегі орны жоғарылады, деп хабарлайды Sports.kz.
«Астана» УЕФА рейтингінде бір сатыға жоғарылап, 54-орынға орналасты. «Астанада» қазір 24,500 ұпай бар, бұл көрсеткішпен ол рейтингтегі орнын Швейцарияның Янг Бойз және Польшаның «Легия» командаларымен бөлісіп тұр. Еуропа лигасы топтық кезеңінің жеребе тарту рәсімі бүгін өтеді.