Алматыда «Три богатыря» тұрғын үй кешенінің астыңғы қабатында қоқыс салатын жәшік өртеніп, 20 адам қауіпсіз жерге шығарылды. Оның 12-сі - бала, деп хабарлайды ҚР ІІМ ТЖК баспасөз қызметі.
«2 қыркүйек күні 18:25-те Медеу ауданында орналасқан 12 қабатты «Три богатыря» тұрғын үй кешенінің астыңғы қабатында 10 шаршы метр аумақты құрайтын ағаш жәшік (қоқыс салатын) өртеніп, 20 адам қауіпсіз жерге көшірілді. Оның 12-і - бала. Өрт 19:10-да толықтай сөндірілді. Жапа шеккендер жоқ», делінген хабарламада. Қазір өрттің неден шыққаны анықталып жатыр.