Құрлықтық хоккей лигасында бақ сынап жүрген Астананың «Барыс» командасы өз алаңында Мәскеудің ЦСКА клубын қабылдап, овертаймда 2:3 нәтижесімен есе жіберді.
Ойындағы есепті бірінші болып қонақ команданың ойыншысы ашып, ұжымын алға шығарды. Матчтың екінші кезеңінде «Барыс» ойыншысы Акользин есепті теңестірген болатын, алайда Андронов ЦСКА-ны қайта алға оздырды.
Кездесудің аяқталуына екі минут қалғанда «Барыс» сапынан Боченски есепті теңестірген еді. Бірақ овертаймда ЦСКА сан басымдығын ұтымды пайдаланып, 3:2 есебімен жеңісті жұлып әкетті. Енді «Барыс» жексенбі күні Братиславаның «Слован» командасымен ойнайды.
Дайындаған Әли БИТӨРЕ,
«Егемен Қазақстан»