Парламент Сенатының депутаты Дәурен Әділбеков Атбасар қаласындағы «Атбасар Технопарк» жауапкершілігі шектеулі серіктестігінде болды.
Серіктестік жұмысшыларымен кездесу барысында сенатор Елбасы Нұрсұлтан Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» атты Жолдауының негізгі бағыттары жөнінде ой бөлісті. Сондай-ақ жергілікті жерлердегі денсаулық сақтау саласын білікті мамандармен толықтыру, мемлекеттік тұрғын үй бағдарламасын іске асыру сияқты мәселелер де көтерілді.
Жылы жүздесу барысында серіктестік жұмысшылары Жолдауда айтылған мәселелерді тұтастай қолдайтындықтарын жеткізді. Сенат депутаты әр жыл сайын қарғын судың астында қалатын Атбасардың бүгінгі тыныс-тіршілігімен де танысты. Бұрнағы жылы үйлерін су шайып кеткен отбасылардың тұрғын үймен қамтамасыз етілуіне назар аударды.
Байқал БАЙӘДІЛ,
«Егемен Қазақстан»
Ақмола облысы