Қоғамдық сананы жаңғырту бағдарламасын іске асыру жөніндегі ұлттық комиссияның отырысы өтті

Ұлттық комиссия отыры­сы­ның күн тәртібі бойынша негізгі мәселе – «Рухани жаң­ғыру» бағдарламасын іске асы­рудың және бағдарламаны бас­қару кеңсесінің қызметін ұйым­дастырудың нәтижелері тал­қыланды. 

Ұлттық комиссия төр­аға­сы отырысты ашудағы сө­зін­де «Рухани жаңғыру» бағ­дар­ла­масының Мемле­кет бас­шысының «Қазақ­стан­дықтар­дың әл-ауқатының өсуі: табыс пен тұрмыс сапасын артты­ру» атты Жолдауының негіз­гі бағыттарын іске асыру аясын­дағы ерекше маңызын атап өтті. 

Сонымен қатар «Рухани жаңғыру» бағдарламасының мазмұнын байытып, жаңа бағыттармен толықтырудың маңыздылығына тоқталды. 

– Мемлекет басшысының тап­­сырмасына сәйкес, таяу уа­­қытта жаңадан «Ауыл – ел бесігі» және «Өз жеріңді танып біл» жо­балары іске қосылатын бо­лады, олар ауылдық елді ме­кен­дерді дамытуға қосым­ша сер­пін бермек, – деді Ә.Исеке­шев.

Комиссия отырысында, сон­дай-ақ Оңдасын Оразалин, Аида Балаева, Дәурен Абаев, Арман Евниев, Дархан Калетаев, Арыс­танбек Мұхамедиұлы және Рауан Кенжеханұлы сөз сөйледі. 

Ұлттық комиссия отырысын­да бейнебайланыс режімінде Жамбыл және Батыс Қазақстан облыстарының әкімдері тың­далды. 

Талқылаулар қорытындысы бойынша Ұлттық комиссияның төрағасы Үкіметке 2018-2019 жылдарға арналған «Рухани жаңғыру» бағдарламасын іске асыру жөніндегі бірыңғай жос­пар әзірлеуді, Ауыл шаруа­шылығы министрлігіне «Ауыл – ел бесігі» жаңа әлеуметтік жобасын іске қосуды тапсырды. 

Өңірлер басшыларына жер­гілікті жерлерде бағдар­ламаның тапсырмаларын бар­лық басымдық бағыттары бойын­ша нақты мақсаттар мен нәти­желерге қол жеткізуге көңіл бөле отырып іске асыру жөнінде тапсырмалар берілді. 

Айта кетерлігі, Ұлттық комиссия Президент Жарлығымен қоғамдық сананы жаңғырту бағдарламасын іске асыру, ел­дің одан әрі ілгерілемелі мә­дени-гуманитарлық дамуын қамтамасыз ету мақсатында құрылған. Комиссия құрамына танымал қоғам қайраткерлері, ғалымдар, жазушылар, журналистер, Парламент депутаттары, Президент Әкімшілігінің өкілдері, Үкімет мүшелері, өңір­лердің, Астана, Алматы және Шымкент қалаларының әкім­дері, Қазақстан халқы Ассам­блеясының мүшелері, саяси партиялар өкілдері кірген.