Қызылорда облысында Арал ауданына қарасты Қамыстыбас-Шөміш аумағының 2426 шақырымында ПК-7 П-1273 жүк пойызы рельстен шыққан болатын.
Бүгінде Қазалы станциясында № 481 «Ташкент-Самара» пойызы, Арал теңізі станциясында № 378 «Маңғышлақ-Алматы» пойызы, Сексеуіл станциясында № 618 «Қызылорда-Астана» пойызының қатынасы қалпына келтірілді.
Қазіргі таңда апаттың себебі анықталып жатыр. Адам шығыны жоқ.
- Жедел қабылданған шаралардың арқасында жолаушылар пойызының қатынасы тез арада қалпына келтірілді. Аталмыш пойыздардағы жолаушыларға қажетті көмек көрсетілді. 2 тораптың 1-еуі тазартылып, екіншісі бойынша жөндеу жұмыстары жүргізіліп жатыр,- дейді облыстық жұмылдыру дайындығы басқарма басшысының орынбасары Ерлан Бәкіров.
Бақтияр ТАЙЖАН,
«Егемен Қазақстан»
Қызылорда облысы