Кең алқапты және күшті антициклон Қазақстан аймағының басым бөлігіндегі суық ауа райын ұстап тұруын жалғастырады, деп хабарлайды Қазгидромет.
«Қазгидромет» РМК-ның мәліметінше, Ақмола, Солтүстік Қазақстан, күндіз Қостанай, Павлодар облыстарының кей жерлерінде бұрқасын күтіледі, жел 15-20 м/с күшейеді. Солтүстік Қазақстан, Қостанай облыстарының кей жерлерінде тұман, көктайғақ күтіледі.
Жамбыл, Маңғыстау, Қарағанды облыстарының жекелеген аумақтарында тұман күтіледі. Маңғыстау облысында желдің екпіні 15-20 м/с артып, күндіз Қарағанды облысының кей жерлерінде жаяу бұрқасын жүреді. Шығыс Қазақстан облысының кей аумақтарында жаяу бұрқасын болады. Күндіз Қызылорда облысында желдің жылдамдығы 15-20 м/с күшейеді.