Кәсіпқой боксшылардың BoxRec рейтингі (P4P) қайта жаңартылды. WBA (Super) және WBO нұсқалары бойынша Нью-Йоркте өткен әлем чемпионы атағы үшін жекпе-жекте пуэрторикалық Хосе Педрасаны ұтқан украиналық Василий Ломаченко екі сатыға жоғарлап, үздік үштіктің қатарына қосылды.
Осылайша, Василий Ломаченко (13 жекпе-жек, 12 жеңіс, 9 нокаут. 1 жеңіліс) өзінің отандасы Александр Усик (16 жекпе-жек, 16 жеңіс, 12 нокаут) пен қазақстандық боксшы Геннадий Головкинді (39 жекпе-жек, 37 жеңіс, 9 нокаут, 1 жеңіліс, 1 бәсеке тең аяқталды) бір-бір сатыға төмен сырғытты. Бұл күндері Усик – төртінші, ал Головкин – бесінші орынды иеленуде.
Үздіктер көшін Теренс Кроуфорд бастап тұр. 31 жастағы АҚШ боксшысы осы күнге дейін 34 жекпе-жек өткізіп, барлығында жеңіске жетті. 25 кездесуді нокаутпен аяқтады. Екінші орында – Сауль Альварес. 28 жастағы Мексиканың мықтысы 53 мәрте рингке көтеріліп, 50 рет жеңіс тойын тойлады. 34 бәсекені мерзімінен бұрын аяқтады. 1 рет ұтылып, екі жекпе-жекте тең есеп тіркелді. Сондай-ақ, мексикалық Луис Нери, таиландтық Срисакет Сор Рунгвисаи, мексикалық Мигель Берчельт, ұлыбританиялық Энтони Джошуа және мексикалық Лео Санта Крус «ТОП-10» боксшының қатарына еніп отыр.
Ғалым СҮЛЕЙМЕН,
«Егемен Қазақстан»