Қорғаныс кешеніндегі қоғамдастық

Қорғаныс кешеніндегі қоғамдастық

Жұма, 21 қыркүйек 2012 7:49

2003 жылғы наурыз айында Үкімет қаулысымен «Қазақстан инжиниринг ҰК» акционерлік қоғамы құрылған болатын. Қазір бұл компания холдингтік құры­лым ретінде бірнеше қорғаныс өнеркәсібі кешендерінің басын біріктіріп отыр. Оның құрамына 29 еншілес және тәуелді кәсіп­орын кіреді. Бұлардың 17-і қару-жарақ пен әскери техника, сон­дай-ақ мұнай-газ, темір жол, агро­­өндіріс, жылу-энергия ке­шен­­деріне арналған өнімдерді шыға­рып, оларға жөндеу жасайтын мүмкіндікке ие.

 

Жұма, 21 қыркүйек 2012 7:49

2003 жылғы наурыз айында Үкімет қаулысымен «Қазақстан инжиниринг ҰК» акционерлік қоғамы құрылған болатын. Қазір бұл компания холдингтік құры­лым ретінде бірнеше қорғаныс өнеркәсібі кешендерінің басын біріктіріп отыр. Оның құрамына 29 еншілес және тәуелді кәсіп­орын кіреді. Бұлардың 17-і қару-жарақ пен әскери техника, сон­дай-ақ мұнай-газ, темір жол, агро­­өндіріс, жылу-энергия ке­шен­­деріне арналған өнімдерді шыға­рып, оларға жөндеу жасайтын мүмкіндікке ие.

«Қазақстан инжиниринг ұлт­тық компаниясы» АҚ Ресей тарапымен әскери техникалық ын­тымақтастық туралы мәселелерді Ресей Федерациясы мен Қазақ­стан Республикасы арасындағы ынтымақтастық жөніндегі үкі­мет­­аралық комиссия жанындағы әскери-техникалық ынтымақ­тас­тық жөніндегі шағын комис­сия­ның шеңберінде шешеді. Оның кезекті оныншы отырысы Мәскеу қаласында биылғы 25 қазанда өткізілмек.

Сондай-ақ, компания Қазақ­стан Республикасы Үкіметі мен Ресей Федерациясы Үкіметі ара­сындағы Ұзақ мерзімді эконо­ми­ка­лық ынтымақтастық бағдар­лама­сының жекелеген іс-шара­ларын жүзеге асыруға атсалысады. Үстіміздегі жылы Ресей Федерациясынан өнім алу үшін ком­панияның тоғыз кәсіп­орны («С.М.Киров атындағы зауыт» АҚ, «ПЗТМ» АҚ, «811 авто жөндеу зауыты КИ» АҚ, «Зенит» Орал зауыты» АҚ, «Тыныс» АҚ, «Омега»прибор жасау зауыты» АҚ, «ЗИКСТО» АҚ, «С.М. Киров атындағы машина жасау зауыты» АҚ пен «Семей инжиниринг»  АҚ) өтінім берді. Оларды жаб­дық­­тауға Ресейдің 100-ден астам кәсіпорындары ықылас танытып отыр. Ал Ресей кәсіпорындарын жабдықтаушы ретінде «Зенит» Орал зауыты» АҚ пен «Тыныс» АҚ алда тұр. Бұл әзірше аз. Дегенмен, болашақта «Қазақстан инжиниринг» АҚ экспорттаушы­лары­ның саны молая түсетініне үміт бар.

Қазақстан мен Ресей өңір­лерінің 18-19 қыркүйектегі Павлодар қаласында өткен халық­аралық көрмесі компанияның ре­сейлік кәсіпорындармен қорға­ныс өнеркәсібі саласындағы ын­ты­мақтастығын бұдан да жоғары көрсеткіштерге жеткізетіндігін көрсетті. Олай дейтініміз әскери-техникалық ынтымақтастықты да­мытуға арналған бірқатар құ­жаттарға қол қойылған. Мәселен, «НПК «Уралвагонзавод» ЖАҚ-пен ынтымақтастық кеңейе түсу­де. Егер бұрын тек бронды танкке босалқы бөлшектер жасалса, ал қазіргі кезде жауынгерлік машиналарды және күрделі инже­нерлік техникаларды «Семей инжиниринг» АҚ-ты құрастырып, жинау қарастырылуда. Осыған байланысты Павлодардағы форумда ынтымақтастық туралы қажетті меморандумға қол қойылды.

Ресейдің «Ижевский радиозавод» ААҚ, «Российский институт мощного радиостроения» ЖАҚ, «НПФ «Микран» және басқа жетекші кәсіпорындарымен ара­да­ғы ынтымақтастықта «С.М. Киров атындағы завод» АҚ үлкен тәжірибе жинақтады деуге болады. Бұл ықпалдастықтың нәти­же­сінде теміржолдың қауіп­сіз­дігін қамтамасыз ететін локомотив құрылғыларын, азаматтық және әскери радиостансаларды, ҚР Қорғаныс министрлігі үшін автоматтандырылған метеороло­гия­лық кешенді бірлесіп шығару жүзеге асырылды. Ресейдің бас­қа да бірқатар кәсіпорын­да­ры­мен ын­тымақтасып, жаңа өнім­дер шы­ғару туралы келісімдер бар.

Жалпы, ресейлік кәсіпорын­дар­мен бірлесіп жұмыс істеудің болашағы зор. Оған негіз болатын әртүрлі байланыстарды өріс­тетуге әскери-техникалық ынты­мақтастық жөніндегі ҚР және РФ арасындағы келісім мен әскери-техникалық ынтымақтастықты да­мытудың 2013-2015 жылдарға арналған бірлескен бағдарламасы мүмкіндік тудырмақ. Оның жобасына «Қазақстан инжиниринг» АҚ  қазірдің өзінде белсене қатысуда.

Сонымен қатар, дамыған ел­дердің тәжірибесі көрсетіп отыр­ғандай, қорғаныс өнеркәсібі ке­ше­нін тек мемлекеттің күшімен дамы­ту жеткіліксіз. Бұл бюджетке қосымша салмақ түсіреді. Қорғаныс өнеркәсібін дамытуда мемлекеттік-жекеменшік әріптес­тігін қалыптастыру маңызды. Оның ішінде шетелдік және отан­дық инвестицияларды тарта отырып, жаңа қорғаныс кәсіп­орындарын құрудың қажеттілігін бөліп айтуға болады.

Мемлекет басшысы – Қарулы Күштердің Жоғарғы Бас қол­басшысы Н.Ә. Назарбаевтың саясатын басшылыққа ала отырып, еліміздің қорғаныс өнеркәсібі кешенін Қазақстанның машина жасау саласындағы локомотивіне айналдыру қажет. Бұл дегеніміз металлургия, машина жасау, химия, ақпараттық технология мен телекоммуникациялардың бар­лық спектрі сынды бірнеше саланы бірге дамыту деген сөз. Қа­зақстан инжиниринг осы ба­ғыттың алғашқы қарлығашы. Пав­лодарда өткен өңіраралық форумда біз мұны айқын бай­қағандай болдық. Оған компа­нияның сондағы көрмеде қойыл­ған техникалары анық дәлел.

Жүніс ОМАР,

Қазақстан Республикасы

Қорғаныс министрлігінің

басқарма бастығы,

полковник.