Дүйсенбі, 12 наурыз 2012 7:59
Астанадағы «Ұлттық медициналық холдинг» клиникасы – «Ана мен бала» ұлттық ғылыми орталығы» – кеңестік дәуірден кейінгі кеңістіктегі және Шығыс Еуропа елдері арасында бірінші болып JCI халықаралық аккредитациясына – ауруханалық басқару саласындағы алтын сапа стандартына ие болды. Дүние жүзінде бұл халықаралық ұйымның аккредитациясын алған шамамен 300-ге тарта медициналық мекемелер бар екен.
Дүйсенбі, 12 наурыз 2012 7:59
Астанадағы «Ұлттық медициналық холдинг» клиникасы – «Ана мен бала» ұлттық ғылыми орталығы» – кеңестік дәуірден кейінгі кеңістіктегі және Шығыс Еуропа елдері арасында бірінші болып JCI халықаралық аккредитациясына – ауруханалық басқару саласындағы алтын сапа стандартына ие болды. Дүние жүзінде бұл халықаралық ұйымның аккредитациясын алған шамамен 300-ге тарта медициналық мекемелер бар екен.
«Ана мен бала ұлттық ғылыми орталығының» бұл халықаралық аккредитацияға дайындық шаралары 2009 жылдан басталған болса, содан бері клиника деңгейін медициналық көмек көрсетудің және пациент қауіпсіздігін қамтамасыз етудің халықаралық стандарттарына сай келтіру мақсатында көп жұмыс жасалған. Халықаралық сарапшылар жыл сайын клиникадағы әріптестерімен бірге дайындық жұмыстарының әр кезеңінде жүргізіліп жатқан іс-шаралардың тиімділігін бағалап, одан әрі жетілдіру жоспарына өз түзетулерін енгізіп отырған. Халықаралық аккредитацияға дайындау барысында комиссияның кеңесшілері клиникада сапаның 1200 өлшемі бойынша бағаланатын 329 әлемдік стандарттың және денсаулық сақтау саласындағы көшбасшылықтың сақталуына аса көңіл бөлген. Осындай халықаралық аккредитациядан «Ұлттық медициналық холдингтің» бес клиникасы өтеді деп жоспарланып отыр, ал бұл Назарбаев Университетінің медицина мектебінің клиникалық базасын құру үшін өте маңызды іс-шара.
«Ана мен бала ұлттық ғылыми орталығы» Астана қаласының алдыңғы қатарлы медициналық кластер объектілерінің бірі болып табылады және оның стационарлық пациенттерге арналған 500 төсек-орны бар. Орталықта диагностикалаудың және пациенттерді емдеудің ең заманауи технологиялары қолданылады. 2009 жылдан бастап «Ана мен бала ұлттық ғылыми орталығын» Германиядағы Шарите сияқты белгілі клиникаларды, Венаның медициналық университетінің клиникасын, сондай-ақ Малайзиядағы, Абу-Дабидегі және де басқа елдердегі ауруханаларды басқаратын Vamed Австрия компаниясы басқарып отыр.
Басқосуда «Ұлттық медициналық холдинг» АҚ басқарма төрағасы Елжан Біртанов, «Ана мен бала ұлттық ғылыми орталығы» АҚ басқарма төрағасы Лукас Якубец орталықтың жеткен жетістіктері туралы әңгімелеп, қойылған сұрақтарға жауап берді.
Берік САДЫР.