Мәжіліс Жеңіс Қасымбекті Премьер-Министрдің орынбасары лауазымына тағайындауға келісім берді. Бұл туралы Палатаның баспасөз қызметі хабарлады.
Бүгін Мәжілісте Экономикалық реформа және өңірлік даму комитетінің отырысы өткен болатын. Жиында сөз алған Премьер-Министр Кеңсесінің басшысы Нұрлан Алдабергенов жаңа қызметке ұсынылып отырған Ж.Қасымбектің Үкімет жұмысын стратегиялық мақсатта дамытуға лайық кандидат екенін атап өтті.
Іс-шара барысында комитет мүшелері Ж.Қасымбекке бірқатар сұрақ қойып, шешім қабылдады. Жиын соңында депутаттар оған алдағы жұмысына сәттілік тіледі.