Мәжіліс Дәурен Абаевтың кандидатурасы ҚР Ақпарат және қоғамдық даму министрі лауазымына тағайындауға келісті. Бұл туралы Мәжілістің баспасөз қызметі хабарлады.
Бүгін Әлеуметтік-мәдени даму комитетінің отырысы өткен болатын.
«Қазақстан Республикасының Парламентi және оның депутаттарының мәртебесi туралы» Қазақстан Республикасының Конституциялық заңының 22-1 бабына сәйкес аталған мәселе комитет отырысында қарастырылды.
Қазақстан Үкімет басшысының тапсырмасымен Дәурен Абаевтың кандидатурасын ҚР Премьер-Министрі Кеңсесінің басшысы Нұрлан Алдабергенов таныстырды.