Сенбі, 21 сәуір 2012 7:44
Жұмаға қараған түнде Кабулде АҚШ-тың «Блэк Навл» атты әскери тікұшағы апатқа ұшырады. Мұндай тікұшақтың экипажы төрт адамнан тұратын. Әзірге соның қаншасы қаза болғаны анықталған жоқ.
Америка әскерлерінің арнаулы өкілі тікұшаққа шабуыл жасалуы мүмкін деген болжамды жоққа шығармайтынын мәлімдеді. Бірақ апат ауа райының қолайсыздығынан болған шығар деген күдік әзірге басымдау тұр. Ал британ әскерилері тікұшақта ағылшын азаматы жоқ екенін жариялап, халқына «қуанышты» хабарын жеткізіп үлгерді.
Сенбі, 21 сәуір 2012 7:44
Жұмаға қараған түнде Кабулде АҚШ-тың «Блэк Навл» атты әскери тікұшағы апатқа ұшырады. Мұндай тікұшақтың экипажы төрт адамнан тұратын. Әзірге соның қаншасы қаза болғаны анықталған жоқ.
Америка әскерлерінің арнаулы өкілі тікұшаққа шабуыл жасалуы мүмкін деген болжамды жоққа шығармайтынын мәлімдеді. Бірақ апат ауа райының қолайсыздығынан болған шығар деген күдік әзірге басымдау тұр. Ал британ әскерилері тікұшақта ағылшын азаматы жоқ екенін жариялап, халқына «қуанышты» хабарын жеткізіп үлгерді.
Жанкештілер чегемде де өріп жүр
Қап тауы республикаларындағы жанкештілер әрекеті басылар емес. Кеше Кабарда-Балқар республикасындағы Чегем қаласында соңынан аңдып, ақыры ұстауға ұмтылған кезінде бір жанкешті өзін өзі жарып жіберді.
Бұл – «Чегемнен шыққан Сандро» деген Фазиль Искандирдің романы арқылы аты әлемге танылған қала. Қазір мұнда да тыныштық кеткен, жарылып өлгеннің жанында болған екінші жанкешті жасырынып үлгеріпті. Ұстаушылардың арасында шейіт болғандар жоқ делініп хабарланғанымен, ауыр жарақат алғандардың қанша екені жасырылып қалған.
Авиакомпанияның айтқанына көнбейді
Испанияның елдегі аса ірі авиакомпанияларының бірі – «Иверия» халықаралық және елішілік 122 авиарейстің ұшпайтындығын жариялады. Нақтырақ айтсақ, барлық рейстердің 58-і елішілік, қалғанының бәрі халықаралық. Бұл – мыңдаған жолаушыны әлекке салған ауыр оқиға болып отыр.
Барлық түйін бүкіләлемдік дағдарысқа тіреліп тұр. «Иверия» авиакомпаниясы ұшқыштар еңбекақысының 20 пайызын қысқартатынын жариялаған екен. Бұған ұшқыштар кәсіподағы өре түрегеліп қарсылық білдіріп, осымен 17-ші мәрте ереуілге шықты. Авиакомпания еңбекақыны қысқарту арқылы ақша үнемдейтін болсақ, дағдарысқа төтеп бере аламыз, дейді. Бірақ оған кәсіподақ көнетін емес.
Мұнайдың фьючерлік бағасы артты
Нью-Йорктің қор биржасы америкалық жеңіл мұнайдың мамыр айына сәйкес келетін фьючерлік бағасын анықтады. Ол қазіргі бағадан 0,33 долларға артып, бір баррельге 102,6 доллардан айналатыны белгілі болды.
Бәлендей айырмашылық болмаса да фьючерлік бағаның өсе түскені делдалдарды қиналтуда. Ал Лондон биржасында мұнайдың фьючерлік бағасы 0,49 долларға төмендеп, бір барреліне 117,4 доллардан айналатын болды.
Қайыры жоқ көп ақша қайда қалмақ?
Кеше түнде Мәскеу қаласында «Консультация-страхования» компаниясының бас директоры Шәмілхан Бесаевты белгісіз біреулер Беговая көшесіндегі өз үйінің алдында атып кетті.
52 жастағы бизнесменнің денесіне оқ үш жерден тиген. Болжам бойынша, ол тапсырыс бойынша өлтірілген. Өйткені, қалтасындағы әмияны мен қымбат сағаты және қалтафоны орнында қалған. Білетіндер Бесаевтың аса зор табыскер азамат болғанын, сондықтан оның бәсекелестері де көп болғанын айтып, өлімге солардың бірі кінәлі болуы ықтимал деген болжам жасауда.
«Мир» ТРК – Грузияға қажетсіз арна
Грузия президенті Михаил Саакашвили «Мир» телерадиокомпаниясының бір құрылтайшысы ретінде Грузияның 1994 жылғы 24 желтоқсанда қол қойылған келісімінің күші жойылды деген жарлық шығарды.
Әзірге президенттің бұл жарлығына ресми адамдар ешқандай түсінік берген жоқ. Бірақ бар мәселе Грузияның Мәскеумен екі арадағы кикілжіңінде екені сөзсіз. Мәскеудің ықпалында отырған бұл арна Грузия туралы шыншыл хабарлар көрсетуді шектеп жүргені туралы сыбыстар бұған дейін де айтылып келген болатын.
Қысқа қайырып айтқанда:
• Мәскеудің Домодедово әуежайында былтыр болған террорлық актіге байланысты көлік милициясы мен авиакомпания басшылығына қатысты қылмыстық іс «авиа тасымалдағы қауіпсіздік шараларының жүйесі» атты тәртіп қабылданбай тұрғанда болған оқиға себепті қысқартылған.
• Сириядағы 13 айға созылған саяси дағдарыс Түркияның туризм индустриясына да өзінің залалын тигізіп отыр. 2012 жылдың екі айында былтырғы жылмен салыстырғанда туристер 1,98 млн. адамға азайып кеткен.
• Суданның ұлт-азаттық қозғалысына қатысушылар 20 сәуірде өздерінің табысты операция жүргізгенін мақтанышпен жария етті. Олардың айтуына қарағанда, шабуыл барысында өкіметтің 79 офицері мен солдаты жойылған көрінеді.
• Ресейдің Сахалин аралы мен Жапонияның Хоккайдо аралын бөліп тұрған Лаперуза шығанағында Жапонияның «Сиюмару-18» атты балықшы кемесі апатқа ұшырады. Жапонның жағалау құтқару қызметі экипаждың екі-ақ мүшесін құтқарып үлгерген. Апат кемедегі өрттен болған деген болжам бар.
• Тәжікстан президенті Эмомали Рахмон милицияны полиция деп атау туралы заң әзірлеуге тапсырма берді. Ол бұл қадамға милиция қызметкерлері қатарындағы сыбайлас жемқорлықтың өрістеп бара жатқанын тыю мақсатында барғанын мәлімдеді. «Милиция» сөзі енді Украина, Өзбекстан, Қырғызстан және Белоруссияда ғана қалды.
Интернет материалдары негізінде әзірленді.