Путин не дейді, Аннан не дейді?

Жұма, 20 шілде 2012 7:29

Сириядағы жағдай барған сайын шиеленісіп барады. Ел астанасы Дамаскінің кейбір аудандары көтерілісшілер бақылауында. Халықаралық Қызыл Крест қоғамы бұл елде азамат соғысы жүріп жатыр деген мәлімдеме жасап та жіберді.

Осы аптаның басында Ресей президенті Владимир Путин Кремльде осында арнайы келген БҰҰ Қауіпсіздік Кеңесінің және Араб мемлекеттері лигасының ар­наулы өкілі Кофи Аннан бас­қарған делегацияны қабылдап, келіссөз жүргізді. Кездесуді аша отырып, президент Путин Ресей­дің әуел бастан Кофи Аннанның Сирия жөніндегі жоспарын қол­дағанын еске салып: «Сіздің мис­сияңызды қолдау үшін қолдан келгеннің бәрін жасауға сізді сендіргім келеді», – деді.

Жұма, 20 шілде 2012 7:29

Сириядағы жағдай барған сайын шиеленісіп барады. Ел астанасы Дамаскінің кейбір аудандары көтерілісшілер бақылауында. Халықаралық Қызыл Крест қоғамы бұл елде азамат соғысы жүріп жатыр деген мәлімдеме жасап та жіберді.

Осы аптаның басында Ресей президенті Владимир Путин Кремльде осында арнайы келген БҰҰ Қауіпсіздік Кеңесінің және Араб мемлекеттері лигасының ар­наулы өкілі Кофи Аннан бас­қарған делегацияны қабылдап, келіссөз жүргізді. Кездесуді аша отырып, президент Путин Ресей­дің әуел бастан Кофи Аннанның Сирия жөніндегі жоспарын қол­дағанын еске салып: «Сіздің мис­сияңызды қолдау үшін қолдан келгеннің бәрін жасауға сізді сендіргім келеді», – деді.

Президент айтқан соң, сенбес­ке болмас, алдағы уақытта солай болып жатса, құба-құп-ақ. Ал бү­гін­ге дейін Кофи Аннан жоспа­ры­ның жүзеге асуына басты кедергі болған Ресей екені де шындық. Оған бүкіл әлем куә. РФ Сыртқы істер министрі Сергей Лавровтың талай мәлім­деме­сі куә. Ресей тарапынан Башар Асадқа қолдау жасалып келгенін жоққа шығаратын адамды табу қиын шығар.Ресми хабарларға қарағанда, Путиннің мәлімдемесіне жауап ретінде өз кезегінде Кофи Аннан Сириядағы трагедия сияқты аса қасіретті жағдайға байланысты Мәскеуге тағы да келуге мәжбүр болғанына өкініш білдірген. Ол Сирия дағдарысы қыл үстінде тұрғанын атап көрсеткен. Рас, кездесуден кейін баспасөз мәсли­ха­­­тында Кофи Аннан журналистер алдында Путинмен келіссөз­ді жемісті болды деп сипаттады. Ол БҰҰ Қауіпсіздік Кеңесінің алдағы болатын мәжілісінде оған қаты­сушылардың барлық жақ­тың да көңілінен шығатын тұ­жы­рым жасайтынына үміттенетінін біл­дір­ді. Сол үміттің ақталуы қиын-ау.Сириядағы шиеленіс шеші­мін табу үшін ең алдымен осы мәселеге қатысты халықаралық қоғамдастық ортақ тіл табысуы керек-ақ еді. Бүгінге дейін олай болмай келді. БҰҰ-ның бастама­шылығына Қауіпсіздік Кеңесінің тұрақты мүшелері Ресей мен Қытай үнемі қарсы шығып, Сирия басшылығының қолтығына су бүркіп, оның жосықсыз әре­кет­терге баруына жағдай жасап келді. Кофи Аннан мен Владимир Путиннің келіссөзі, онда жа­салған мәлімдемелер халықара­лық қауымдастықтағы тіл табы­суға жеткізуі мүмкін-ау дейсің. Онсыз Сирия шиеленісінің тіре­ле­тін жері – апат.Ал Сириядағы жағдай, Кофи Аннан айтқандай, қыл үстінде тұр. Көтерілісшілер белсенді әре­кеттерге көшіп отыр. «Сирия азат ету армиясы» басшыларының мәлімдемелеріне қарағанда, ел астанасын азат ету операциясы басталған. Оның «Дамаск» жанартауы және сириялық жер сілкінісі» деген атауға ие болып, бұқаралық сипат алғаны хабарланды. Қалада көтерілісшілердің 50-дей қаруланған тобы әрекет ететін көрінеді. Солардың жас­а­ған әрекеттерінен күні кеше Сирия қорғаныс министрі Дауд Раджиха және басқа лауазымды адам­дар қаза тапты. Ал ресми биліктегілердің мәлімдеулері бұ­ған мүлде қарама-қарсы – көте­рі­лісшілер жеңіліске ұшырап, жаппай беріліп жатқанға ұқсайды. Екі жақтың сөздеріне жартылай сенген күннің өзінде де қалып­та­сып отырған жағдай өте күрделі.Мұндай жағдайдан шығатын жол – алдымен араағайындыққа жүргендердің мәмілеге келуі. Сол мәмілеге қол жетпей отыр. Әзірге сөз басқа, іс басқа.

Мамадияр ЖАҚЫП, «Егемен Қазақстан».