Мәселен, өткен жылы асыл тұқымды малшаруашылығы мен ауылшаруашылық өнімдерінің өнімділігін және сапасын арттыруға 367 млн. теңге субсидия бөлініпті. Соның нәтижесінде ет өндіру 108%-ға (44,1 мың тонна), сүт – 104%-ға (65,4 мың тонна), жұмыртқа – 107%-ға (25 млн. дана) өсіпті. Ауданда сүт өндіруге де ерекше көңіл бөлініп жатыр. «4 сүт тауарлы фермасының құрылысын бастауды және 1 сүт тауарлы фермасын қайта құруды жоспарлап отырмыз. 2018 жылы «Алихан – Асыл» ЖШС мен «Сартепсен» шаруа қожалығы базасында екі сүт тауарлы фермасы іске қосылды. Бүгінгі күні ферма саны 7-ге жетті, 2020 жылға дейін 9-ға жеткізу жоспарлануда. Жоспарды іске асыру нәтижесінде сүт бағытындағы сиыр басы 700 басқа дейін көбейеді. Ауданда 11 сүт қабылдайтын орын жұмыс істейді. Тұрғындардан 5,7 мың тонна сүт жиналып, аудан бойынша тапсырма 7%-ға артық орындалды», - дейді Ұлан ауданының әкімі Нұрымбет Сақтағанов.
Сонымен қатар 2018 жылы өсімдік шаруашылығында өсімдіктердің өнім көлемі 102%-ға артып, әр гектардан 9,9 центнер дәнді дақыл, 182,1 центнер картоп, 286,4 центнер көкөніс өнімі алыныпты.
Шығыс Қазақстан облысы,
Ұлан ауданы