Алдағы 3 жылда 120 миллиард теңгеден астам сомаға жаңа 595 алғашқы медициналық көмек объектісін ашу жоспарланған. Бұл туралы Үкімет отырысында Денсаулық сақтау министрі Елжан Біртанов мәлімдеді.
«228 объект күрделі жөндеу мен, 11 000-нан астам медициналық техникамен қамтамасыз етіледі. Алайда, кейбір өңірлерде жоспарланған объектілер саны ағымдағы қажеттілік деңгейіне сәйкес келмейді. Осыған орай, әкімдерге өңірлік перспективалық жоспарларды, медициналық объектілердің қадамдық жерде болуын ескере отырып, қайта қарау қажет» деді министр.