Сәрсенбі, 4 сәуір 2012 7:30
Қазір ел мен елдің, өңір мен өңір арасындағы қатынас пен алыс-беріс, барыс-келіс жиілеп, барынша артқан тұста көлік прокуратурасына жүктелетін міндеттің салмағы батпандай. «Талдықорған» көлік прокуратурасының прокуроры Мейрам Елікбаевқа арнайы жолығып, өңірдегі көлік саласындағы заңдылықтардың орындалуы жайлы пікірлесудің сәті түскен еді. Мейрам Мұратұлы сұрақтарға жауап беріп, темір жолдағы заңсыздықтар, жемқорлық туралы мерзімі өткен тепловоздарды пайдалану арқылы жолаушы және бүкпесіз ортаға салды.
Сәрсенбі, 4 сәуір 2012 7:30
Қазір ел мен елдің, өңір мен өңір арасындағы қатынас пен алыс-беріс, барыс-келіс жиілеп, барынша артқан тұста көлік прокуратурасына жүктелетін міндеттің салмағы батпандай. «Талдықорған» көлік прокуратурасының прокуроры Мейрам Елікбаевқа арнайы жолығып, өңірдегі көлік саласындағы заңдылықтардың орындалуы жайлы пікірлесудің сәті түскен еді. Мейрам Мұратұлы сұрақтарға жауап беріп, темір жолдағы заңсыздықтар, жемқорлық туралы мерзімі өткен тепловоздарды пайдалану арқылы жолаушы және бүкпесіз ортаға салды.
Елбасының биылғы Қазақстан халқына арнаған Жолдауында айтылған: «Жаңғыртудың ең маңызды мәселелерінің бірі – сыбайлас жемқорлықпен кесімді күрес. Біздің бұл бағыттағы іс-әрекеттеріміз мемлекеттік аппараттағы сыбайлас жемқорлық деңгейін едәуір төмендетті. Мұны халықаралық сарапшылар атап айтуда. Алайда, бізге сыбайлас жемқорлықпен күрестің жаңа стратегиясын жасау қажет», деген тапсырмасын басшылыққа алынып, сыбайлас жемқорлыққа қарсы күресті барынша күшейту арқылы біраз істің тиянағы келтірілді. Осы тұрғыдағы заң талаптарының «Қазақстантеміржолы» ҰК» АҚ Үштөбе электрмен қамту дистансасында орындалуын тексеру нәтижесінде осы ұйымның бас бухгалтері Ошақбаеваның үстінен жемқорлыққа қатысты екі бірдей қылмыстық іс қозғалған. Бас бухгалтер өзінің және өзіне бағыныштылар еңбекақысына 10 млн. теңге көлемінде заңсыз үстеме қосу арқылы сыбайлас жемқорлыққа жол берген. Қазіргі кезде тергеу аяқталып, қылмыстық іс соттың қарауына жөнелтіліпті.
Алматы қаласы мен облысы бойынша «Жетісу» өңіраралық көліктік бақылау инспекциясының осы мәселеге қатысты қызметіндегі заң бұзушылықтар «Нұр Отан» партиясының отырысында қаралып, темір жол тасымалына қауіп төндіретін келеңсіздіктерге жол берген инспекция бастығы қатаң жазаға тартылып, кейіннен лауазымынан босатылыпты. Тексеру барысында Алматы көлік және коммуникация колледжі жанындағы техникалық мектепті бітіргені туралы жасаған жалған құжатпен тепловоз машинисінің көмекшісі ретінде жұмысқа орналасу арқылы көлік қозғалысындағы қауіпсіздікке қайшы әрекетке барған Берденбековтің үстінен қылмыстық іс қозғалып, жалған құжатпен жүк және жолаушы тасуға қатысқандықтан жауапқа тартылды.
Талдықорған темір жол стансасының бастығы Б. Оралбаевқа қатысты қозғалған қылмыстық іс бойынша сот үкімі шығып, жемқор басшы жеті жылға бас бостандығынан айырылды.
Күмісжан БАЙЖАН,
Алматы облысы.