Әсет Масабаев Алматы Энергетика және байланыс институтының түлегі. Еңбек жолын «Алматы электр станциялары» компаниясында электромонтер болып бастаған, кейін түрлі энергетикалық кешендерде бас энергетик, техникалық директор қызметтерін атқарған.
Әр жылдары қаланың Табиғи ресурстар және табиғатты пайдалануды реттеу басқармасының басшысы, Жетісу және Медеу аудандары әкімдерінің орынбасары болған.
Қаланың Энергетика және коммуналды шаруашылық басқармасында (қазір Энерготиімділік және инфрақұрылымдық даму басқармасы) энергиямен-жылумен қамту бөлімінің маманынан ведомства басшысының орынбасарына дейін көтерілген.
Басқарма басшысының алдына қаланың болашақ дамуына ықпал ететін энергия тиімділігі мен қауіпсіз инженерлік инфрақұрылымды қалыптастыру бойынша бірқатар нақтылы міндеттер қойылды.