Астана-1 стансасының атауы Нұр-Сұлтан-1 деп өзгертілді. Ал Астана – Нұрлы жол стансасы енді Нұр-Сұлтан – Нұрлы жол стансасы деп аталатын болды. Бұл туралы «Қазақстан темір жолы» ҰК» АҚ баспасөз қызметі хабарлады.
Президенттің Астана қаласының атауын Нұр-Сұлтан қаласы деп өзгерту туралы Жарлығына сәйкес «ҚТЖ – Жүк тасымалы» АҚ теміржол әкімшіліктерінің №4 тарифтік нұсқаулығына өзгерістер енгізілді. Құжат мемлекеттер теміржол әкімшіліктері учаскелеріндегі стансалар арасындағы тарифтік арақашықтықты айқындауға арналған.