Армиялық авиация бөлімшелерінің қайта топтасуы бойынша іс-шаралардың орындалуы барысында «Шоңжы» әуеайлағына ҚР ҚК Құрлық әскерлерінің бөлімшелерін әуеден әрі қарай тасалау үшін көлік-жауынгерлік және жауынгерлік тікұшақтары жіберілді.
Сондай-ақ «Шоңжы» әуеайлағында С-295 әскери-көлік авиациясының ұшақтары шоғырланды. Оның көмегімен операция өткізілетін шартты аудандарға әскери мүлікті, оқ-дәрілер мен тактикалық десантты жөнелту жүзеге асырылады. Армиялық авиация тікұшақтарының қайта топтасуы ҚР ҚК ӘҚК ӘӘК қолбасшысы авиация генерал-майоры Д. Қосановтың жетекшілігімен жүзеге асырылды.
«Авиациялық техниканың істен шығуы орын алған жоқ. Ұшулар штаттық режимде өтті. Жаңадан келген ұшу құрамы тәжірибелі ұшқыш нұсқаушылармен бірлесе оқу-жауынгерлік тапсырманы орындады және таулы жерде ұшуларды орындау, сондай-ақ мотоатқыш бөлімшелердің лектеріне ілесіп жүру бойынша практикалық тәжірибе жинақтады», - деді авиация генерал-майоры Д. Қосанов.
Оқу-жаттығудың ниеті бойынша армиялық авиация бөлімшелері іс жүзінде топтамаларды күшейту, авиацияның күшін бытыратып жіберу және үлкен қашықтықтарға қайта топтастыру барысында жан-жақты қамтамасыз ету мәселелерін пысықтайды.