Кеншілер астанасында Қарағанды облыстық полиция департаменті бастығының міндетін атқарушы, полиция полковнигі Ерлан Файзуллин ҚМДБ-ның Қарағанды облысы бойынша өкіл имамы Өмірзақ Бекқожаны алғыс хатпен және ІІМ-нің бейнелемесі бар қол сағатпен марапаттады.
Облыстың бас имамы мұндай сый-құрметке кепілге алынған сәбиді құтқару кезінде тәртіп сақшыларына жәрдемдескені үшін ие болды.
Еске салсақ, таяуда Қарағанды қаласының тұрғыны ұрыс-керістен соң пәтердегі туыстарын далаға қуып шығып, екі жасар сәбиін кепілге алған еді. Сол кезде полицияның арнайы бөлімшесі қылмыскермен ұзақ уақыт келіссөз жүргізіп, кепілге алынған сәбиді аман-есен құтқарған операцияға облыстың өкіл имамы да белсенді түрде ат салысқан болатын.
Қарағанды облысы