Меймандар «С. Киров атындағы зауыт» АҚ-да болып, атқарылып жатқан ауқымды шаралармен кәсіпорынның бас директоры Амангелді Арғынбаев таныстырды. Мұнда байланыс және қауіпсіздік жүйелері, цифрлық телевидение қондырғылары, мұнай-газ кешендеріне арналған құрылғылар шығарылады. Жуырда компания өнімдері көпқабатты баспа платаларымен, интегралды шағын сызбалармен толығыпты. 700-ге жуық адам жұмыс істейді. Жыл аяғына дейін 18 миллиард теңгенің өнімдерін шығару жоспарланған. Қазіргі тапсырыс 10 миллиард теңгеге жеткен.
Делегация мүшелері «Радуга» ЖШС-де жеке индустриалдық аймағындағы өндіріс нысандарының, озық технологиялардың жұымыстарымен танысты.
Әкімдіктегі ресми кездесу соңы екі облыс құрамалары арасында өткен шайбалы хоккейден жолдастық кездесуге ұласты.