Алматыда шахматтан әйелдер арасында Қазақстан чемпионаты аяқталды.
Еліміздің әр өңірінен үздік 10 шахматшы бақ сынаған сайыста Гүлісхан Нахбаева қарсылас шақ келтірмей, чемпион атанды. Осы жеңісінен кейін Г.Нахбаева Қазақстанның жеті дүркін жеңімпазы атанып отыр. Күміс жүлде Гүлмира Дәулетоваға бұйырса, үздік үштіктен Мәдина Дәулетбаева көрінді.
Сонымен қатар чемпион Г.Нахбаева ақшалай 600 000 теңгеден бөлек, аймақтық және Азия чемпионатында өнер көрсетуге жолдама алды.
Ал ерлер арасындағы сайыс 1 мамырда мәресіне жетеді.
Алмас МАНАП,
«Egemen Qazaqstan»