– Сыбайлас жемқорлық – күрделі әлеуметтік құбылыс және қазіргі қоғам өміріндегі ең өзекті тақырыптардың бірі, – деді Невзоровтар отбасы атындағы бейнелеу өнері музейінің бөлім жетекшісі Лаура Шинжина, ол қоғамның тұрақтылығына нұқсан келтіреді. Адамзат дамуына қауіп төндіреді. Мемлекеттік органдарға деген сенімнің төмендеуіне ықпал етеді және экономикалық қатынас пен адамгершілікті бұзады. Біздің балаларымыз да нақты түсінуі біз үшін аса қажет.
Көрмеге қаланың 25 мектебі, лицейі ұстаздарының жетекшілігімен орындалған 83 жұмыс қойылды. Шығармашылық тәсілі мен тақырыпты ашқаны үшін дипломдармен және сыйлықтармен марапатталғандарды атап өтсек, олардың қатарында №32 мектептен Әйгерім Кемелбаева, №16 мектептен Әлия Түкібаева, №19 мектептен Данил Рябко, №44 мектептен Анастасия Колонич, №21 мектептен Ақерке Жақсылық, №28 мектептен Анна Гарипова, №11 мектептен Екатерина Тарановалар бар. Олар мұғалімдерімен, сынып жетекшілерімен бірге арнайы сыйлықтармен марапатталды.
Раушан НҰҒМАНБЕК,
«Еgemen Qazaqstan»