«Әбіш оқулары» талантты жастарды танытты

Ақтау қаласында халық жазушысы, қазақ әдебиетінің ірі өкілі, мемлекет және қо­ғам қайраткері Әбіш Кекілбай­ұлы­ның 80 жылдық мерейтойы қарсаңында талантты оқу­­шылар арасында өткен ІІ рес­публикалық Әбіш оқу­ла­ры байқауы осыны аңғарт­ты.

Ә.Кекілбайұлының жұ­байы Клара Жұмабайқызы және­ замандастары, ардагер ұстаз­дар қатысқан ашылу салтанатынан соң төрт ба­ғыттан тұратын байқау бас­талды.

Маңғыстау, Ақтөбе, Ба­­тыс Қазақстан, Шығыс Қазақ­стан, Алматы, Жамбыл, Қос­танай об­лыс­тарынан, сон­дай-ақ Нұр-Сұлтан қала­сынан 100-ге тарта оқушы қатысқан бай­қаудың сахна­лық қойылым ба­ғытына 12­ топ, мәнерлеп оқу ба­ғы­ты­­на 13 оқушы, ғылыми жо­баға 14 оқушы қатысса, ил­­люстрациялық суреттің үй тапсырмасы бөліміне жұ­мы­старын ұсынған 13 қаты­сушы тақырыптар бойын­ша сурет салды. Байқау барысында жазушының «Те­ңіз жа­ғасындағы ой», «Әке», «Ар­хеолог», «Үркер», «Махаб­­бат мұнарасы», «Шыңы­рау», «Абылай хан», «Көлденең көк атты», «Ханша дария хикаясы» атты тарихи оқиғаға то­лы, адамгершілікке, өш­пес құндылықтарға баулитын кесек туындыларынан сах­­налық қойылым қойылып, оқу­шылар қаламгердің про­за­сы мен поэзиясын мәнер­леп оқыды. Сон­дай-ақ Ә.Кекіл­байұлының шы­ғар­малары оқушы танымында жан-жақты зерделеніп, зерттеу нысанына айналумен қатар, шығармаға арқау бол­ған тақырыптар бала қия­­­­лында, бала қаламында ил­люс­тра­ция­лық суреттер арқылы бей­не­ленді.

Байқау қорытындысында Клара Жұмабайқызы, Маң­ғыс­тау облысы әкімінің орынбасары Руслан Сәкеев байқау жеңімпаздарын Қа­зақ­стан Республикасы Бі­лім және ғы­лым ми­нистр­­лі­гі «Дарын» рес­пуб­­ли­ка­­лық ғылыми-прак­ти­ка­лық ор­та­лығының дип­лом­да­ры­мен, ар­найы сый­лық­та­ры­мен ма­ра­паттады.

Төрт бағыт бойынша же­ке­­леген жүлдегерлермен бір­­­­ге, жеңімпаз топтар да­­ анық­тал­ды. Алдыңғы орын­­­­ды Маң­­­­ғыстау облы­сы, екін­ші орынды Абай атын­­­да­ғы рес­­­публикалық маман­дан­­­ды­рылған дарынды бала­ларға арналған мектеп-интернаты, үшінші орынды Ақтау қала­сындағы Назар­баев зияткерлік мектебі оқушы­лары иеленді.

 Марапаттан соң байқау қатысушылары, жетекшілері және қазылар алқасы қара сөздің сұңғыла сүлейі, әде­биет әлемінің абызы, маңғаз Маң­ғыс­таудың марғас­қасы, зама­ны­мыздың заңғар жазушысы Әбіш Кекілбаевтың туған жері Онды ауылына, Отпан тау тарихи-мәдени кешеніне саяхаттады.

Маңғыстау облысы