Алматы облысының Жамбыл ауданында үшем дүниеге келді

Алматы облысының Жамбыл ауданында тұратын жас отбасы Таңатар мен Элмираның шаңырағында енді 4 бала қатар ойнап өсетін болды. Таңатаровтар әулетінің бұған дейін 2 жасар ұлы бар еді, қазір Хан есімді батырдың соңынан Айдай, Нұрай, Шырай есімді үш қыз ерді. Маусымның үші күні жарық дүниеге келген сәбилерді дәрігерлер бақылауда ұстап, ана мен бала денсаулығына төнетін қауіп жоқтығына көз жеткізіп барып үйіне шығуға рұхсат берген екен. - Облыста бала туу көрсеткіші жыл сайын өсуде. Мәселен, 2018 жылы аймақта 40 585 нәресте өмірге келген екен. Оның ішінде 366 егіз туған. Ал биылғы 5 ай аралығында 16333 сәби аман-есен дүниеге келді. Қуаныштысы, осы жылы 135 ана егіз сәби босанса, 2 отбасында үшем өсетін болды. Бұл – өңірдегі ана мен бала денсаулығын сақтау бағытындағы жұмыстардың оң нәтижесі, - дейді Алматы облыстық денсаулық сақтау басқармасының басшысы Бауыржан Ысқақ. Алматы облысы