Арыстың балалары Баянауылға келді

Облыстық білім басқарма­сының мәліметінше, екінші ке­зең үшін балаларды қабылдау жә­не ұйымдастыру бойынша же­дел іс-қимыл жоспары әзір­ленген.

Балаларды орналастыру үшін «Қазхром» АҚ ферроқорытпа за­уы­тының, басқарманың «Жас дәурен», «Балдәурен» оқу-са­уық­тыру орталығы, Шарбақты ауда­­ны «Чайка» балалар лагері да­йын­далуда.

Жедел іс-қимыл жоспа­рына сәйкес облыстың білім бас­­қар­­масы, полиция де­пар­таменті, Тауарлар мен қызметт­ердің са­­пасы мен қауіп­сіздігін ба­қылау депар­та­менті, Төтенше жағ­дайлар және денсаулық сақ­тау басқар­масы бірлесіп, атал­ған ор­талықтарда бала­лар­дың қа­уіп­сіздігін қамтамасыз ету ша­раларын жүргізуде.

Осында келген балаларға ме­дициналық жәрдем көрсе­тіледі. Оларды музейлерге, бас­қа да мәдени-демалыс орын­дарына апарып, түрлі экскурсиялық тур­лар ұйым­дас­тырылады. Қаржы­ландыру бюд­жеттік жә­не бюджеттен тыс қаражат есе­бінен қам­та­масыз етіледі.

Өткен аптада балалардың алғашқы легі де келіп жетті.

 – Жақсы ұшып келдік! Туған күнімді ұшақ ішінде өткіздім және жаңа жерде қарсы алу күт­пеген тосын сый болды, – дейді Ерлан Асқар.

Жалпы саны 130 бала мен 10 же­текші Баянауылдағы демалыс орындарына жеткізілді.

 Қазір «Жас дәурен» лаге­рінде 6, 7-сынып оқушылары Баян­ауылдың әсем табиғатын қыз­ық­тап, Сабындыкөл, Жасы­бай, Тор­айғыр көлдерінің жаға­сында демалуда.

Алғаш рет ұшаққа мінген, алыс жолға шыққан балалардың бірі Нұрлан Бейсембектің айтуынша, әсем табиғат аясын­дағы жазғы демалыстары бұ­рын­ғы қорқыныштың бәрін ұмыт­­тырып жіберіпті.

Арыс қаласындағы №372 мек­тептің мұғалімі Ақжарқын Кен­жебек балалардың үйлеріне жақсы көңіл күймен оралуына осындай сыйлық жасаған облыс әкімдігіне алғыс білдірді.

 Екінші кезеңде өңірге тағы 170 бала келеді. Бұл кезеңде об­лыс орталығында оқитын «Сер­пін» бағдарламасының сту­денттері тәлімгер және тәрбиеші қызметін атқарады.

Павлодар облысы