Тұқы тұқымдасына жататын мөңкелердің ұзындығы 45-см болса, салмағы 2 кило тартады. Тоғандарда өсірілетін көпшілікке белгілі балық.
Енді жаз бойы оларды күтіп-баптаумен осы оқу орнының оқытушысы профессор, биолог Александр Убаськиннің жетекшілігіндегі биология және экология кафедрасының мамандары айналысады.
Университет аумағы жаз айларында Open Air режімінде жұмыс істейді. Қала тұрғындары, қызықтап келетін балалар, қонақтар үшін субұрқақ алаңы демалыс орнына айналуда. Бұл студенттер, сондай-ақ оқуға түсуге келген мектеп түлектері үшін де қызықты болмақ.
Балықтардың екінші легі субұрқаққа түсетін күн де алыс емес.
Аумақта жел, күн энергияларын алу үшін арнайы алаңдар жасалған. Соның арқасында студенттер энергияның баламалы түрін алу жолдарымен іс жүзінде танысуда.Қазір «Ақылды қалалар» қатары көбеюде. Неше түрлі инновациялық жаңалықтарды естисіз. Мысалы, елордамыздағы түрлі балықтарға толы Океанариум Гиннестің рекордтар кітабына енген.
Құрғақ субұрқақ та ерекше. Атқылап алып, қайта жоғалып кететін субұрқақ еріксіз қызықтырады. Неше түрлі әуенді су бұрқақтар да бар.
Аталмыш істің басы-қасында жүрген ғалым Александр Убаськин – популяциялық экология, биоәртүрлілік және ихтиология бойынша 150-ге жуық ғылыми еңбектің авторы. Бұл жұмыстар іс жүзінде үлкен тәжірибелік қолданысқа ие болды, ал жаңашыл идеялары бірегей ғылыми айналымға енгізілді.