Мемлекет басшысы Valmont Industries компаниясының президенті, бас директоры Cтив Каневскиді қабылдады

Кездесу барысында Қасым-Жомарт Тоқаев Қазақстанның халықаралық агроөнеркәсіп саласына мамандандырылған компаниямен өзара тығыз ынтымақтастық орнатуға мүдделі екенін айтты. Қазақстан Президенті ауыл шаруашылығы өндірісіне заманауи технологияны енгізудің маңыздылығын ерекше атап өтті. Бұл туралы Ақорданың баспасөз қызметі хабарлады.