Ақпарат және қоғамдық даму министрі Дәурен Абаев Абайдың «Жігіттер ойын арзан, күлкі қымбат» өлеңін оқыды. Бұл туралы министр Facebook парақшасында жариялады.
«Ләйлім есімді кішкентай қызымыз Абайдың мерейтойына орай ақын өлеңдерінен үзінді оқу эстафетасын маған да жолдаған екен. Абай шығармалары әлі күнге өз маңыздылығын жоғалтқан жоқ. Сол себепті ұлы ойшылымызды әлем мойындайды. Сондықтан, бұл бастаманы мен де үлкен қуанышпен қабыл алдым», дейді Д. Абаев.
«Абай өлеңдерін оқу эстафетасын ҚР Президентінің кеңесшісі Ерлан Қарин мырзаға және айтыскер ақын Айнұр Тұрсынбаева ханымға жолдаймын», деді министр Д. Абаев.