Жапонияның Тибо қаласында таэквондодан әлемдік Гран-при кезеңі басталды деп хабарлайды Olympic.kz.
Әлемдік рейтингтегі үздік спортшылардың басын қосқан додада Қазақстан атынан төрт таэквондошы бақ сынайды.
Олар - Смайыл Дүйсебай (+80 келі), Руслан Жапаров (+80 келі), Нұрлан Мырзабаев (-80келі) және Жансель Дениз (+67 келі).
Тибо қаласында 2020 жылғы Токио Олимпиадасындағы таэквондо бәсекелері ұйымдастырылады. Ал аталған сынға сегіз олимпиадалық салмақ бойынша үздіктер шақырылып отыр.
Қазақстан сапынан рейтингте ең жоғарғы орында тұрған - Смайыл Дүйсебай. Ол алғашқы тоғыздық сапына еніп отыр.