Президент Қасым-Жомарт Тоқаев агроөнеркәсіп кешенін дамытуға кедергі келтіріп отырған бірқатар түйткілді мәселелерді атады. Бұл туралы Қазақстан Президентінің баспасөз хатшысы Берік Уәли Фейсбуктегі парақшасында жазды.
«Агроөнеркәсіп кешенін дамытуға арналған қазіргі мемлекеттік бағдарлама 10 жыл ішінде осы саланы әртараптандыруға мүмкіндік берді. Дегенмен, агроөнеркәсіп кешенін дамытуға кедергі келтіріп отырған бірқатар түйткілді мәселелер бар. Мысалы, бұл саладағы еңбек өнімділігі айтарлықтай аз және өнімді өңдеу деңгейі төмен. Сондай-ақ отандық агросекторда озық технологияның мүмкіндіктерін пайдалану жұмысы жүйелі жолға қойылмаған. Алдағы уақытта осы және басқа да мәселелерді шешу үшін бірқатар нақты шаралар қабылдауымыз керек», деді Қасым-Жомарт Тоқаев.