5 қазанда АҚШ-тың Нью-Йорк қаласында қазақстандық кәсіпқой боксшы Геннадий Головкин (39-1-1, 35 КО) мен украиналық Сергей Деревянченко (13-1, 10 КО) арасындағы жекпе-жек өтеді. Бұл туралы «Қазақстан» телерадиокорпорациясыныңБаспасөз қызметі хабарлады.
Әйгілі «Madison Square Garden» алаңында өтетін бокс кешінде қарсыластар IBF нұсқасы бойынша орташа салмақтағы Әлем чемпионы титулына таласатын болады.
Сондай-ақ бұл бокс кешінде тағы бір қазақстандық боксшы Әли Ахмедов (15-0, 11 КО) америкалық Эндрю Эрнандеске (20-7-2, 7 КО) қарсы қолғап түйістіреді.
«Қазақстан» РТРК» АҚ бокс кешінің барлық кездесуін көрсету құқығына ие болды. Жекпе-жектерді «Qazaqstan» және «Qazsport» арналары тікелей эфирде ұсынады. Трансляция Нұр-Сұлтан уақыты бойынша 6 қазан күні 05:00-де басталады.
Сонымен қатар телерадиокорпорация қазақстандық көрермендерге кездесулерді qazaqstan.tv және qazsporttv.kz cайттары арқылы, QAZAQSTAN TV мобильді қосымшасы онлайн тамашалау мүмкіндігін ұсынып отыр.
Бұл кездесу - Геннадий Головкиннің DAZN стримингтік сервисімен жасасқан келісімшарт бойынша екінші жекпе-жегі. Алғашқы кездесуде ол канадалық Стив Роллсты нокаутпен жеңген болатын.