Нұр-Сұлтан қаласында Қазақстан Армия орталық спорт клубының (АОСК) спортшылары жолдама алған Конфедерациялар кубогының қазақ күресінен іріктеу кезеңі өтті.
Қазақстанның 7 спорттық клубынан келген 100-ден аса спортшы 7 салмақ дәрежесі бойынша сынға түсті. Армиялық спортшылар еліміздің түрлі спорт клубтарынан келген, атап айтқанда, Алматы қаласының «Qazaq kuresi», Қарағанды қаласының «Қарағанды қазақ күресі» және «ЗАККАР», Нұр-Сұлтан қаласының «Елорда батырлары» мен Жамбыл облысының «Жекпе-жек» клубтары қарсыластары бір-бірімен кездесті.
«Аталған турнир, 6-7 желтоқсан аралығында Алматы қаласында өтетін Конфедерациялар кубогына іріктеу болды. Бұл турнир өзіне дзюдо, қазақ күресі, таэквондо, бокс, еркін және грек-рим күресі сынды спорттың бес түрі бойынша сайысқа түсетіндігімен және де «қабырғадан қабырғаға» форматында өтетіндігімен ерекшеленіп отыр. Біздің спортшылар жақсы нәтиже көрсетіп, аталған кубокқа жолдама алды. АОСК құрамына ҚР ҚМ АОСК мерзімді қызметте жүрген қатардағы жауынгерлер Ерасыл Сәкенұлы мен Еркебұлан Абдулла кірді», деп атап өтті Қазақ күресі бойынша команданың бастығы Асан Мамбетқұлов.