Сенбі, 2 наурыз 2013 8:15
Қазақстан Республикасы Ұлттық Банкінің № 6 баспасөз релизі 2013 жылғы 1 наурыз
М.Төлебаевтың 100 жылдығына арналған ескерткіш монетаны айналысқа шығару туралы
Қазақстан Республикасының Ұлттық Банкі 2013 жылғы 1 наурыздан бастап М. Төлебаевтың 100 жылдығына арналған, нейзильбер қоспасынан жасалған номиналы 50 теңгелік ескерткіш монетаны айналысқа шығару туралы хабарлайды.
Сенбі, 2 наурыз 2013 8:15
Қазақстан Республикасы Ұлттық Банкінің № 6 баспасөз релизі 2013 жылғы 1 наурыз
М.Төлебаевтың 100 жылдығына арналған ескерткіш монетаны айналысқа шығару туралы
Қазақстан Республикасының Ұлттық Банкі 2013 жылғы 1 наурыздан бастап М. Төлебаевтың 100 жылдығына арналған, нейзильбер қоспасынан жасалған номиналы 50 теңгелік ескерткіш монетаны айналысқа шығару туралы хабарлайды.
Монетаның бет жағында (аверсінде) жоғарғы бөлігінде Қазақстан Республикасының Елтаңбасы бейнеленген. Елтаңба бейнесінің оң жағында «ҚҰБ» деген аббревиатура орналасқан. Төменгі бөлігінде монетаның номиналын білдіретін «50 ТЕҢГЕ» деген жазу бар. Номиналдың сол және оң жағында ұлттық ою-өрнек элементі бейнеленген. Айналдыра мемлекеттік тілде «ҚАЗАҚСТАН ҰЛТТЫҚ БАНКІ» деген жазу және шығыңқы жиек бар.
Монетаның сырт жағында (реверсінде) нота жолдарының аясында М. Төлебаевтың Алматы қаласында орналасқан ескерткіші бейнеленген. Сол жағында мемлекеттік тілде «МҰҚАН ТӨЛЕБАЕВ» деген жазу және туған жылы мен монетаның соғылған жылын білдіретін «1913-2013» деген сандар бар. Айналдыра шығыңқы жиек жүргізілген.
Монетаның бет және сырт жағындағы бейнелер мен жазулар бедерлі.
Қыры (гурты) бедерлі.
Монета «нейзильбер» қоспасынан жасалған, диаметрі – 31 мм, массасы – 11,17 грамм, таралымы – 100 мың дана.
Номиналы 50 теңгелік ескерткіш монеталар Қазақстан Республикасының бүкіл аумағында көрсетілген құнымен төлемнің барлық түрлері бойынша, сондай-ақ, шоттарға, салымдарға, аккредитивтерге есептеу үшін және аударым жасау үшін қабылдануға міндетті, Қазақстан Республикасының барлық банктерінде шектеусіз ұсақталады және айырбасталады.
Қазақстан Республикасы Ұлттық Банкінің түсіндірмесі
2013 жылғы 13 наурызда композитор, педагог және қоғам қайраткері, КСРО халық әртісі, Қазақ КСР еңбек сіңірген өнер қайраткері, КСРО Мемлекеттік сыйлығының лауреаты Мұқан Төлебайұлы Төлебаевтың туғанына 100 жыл толады.
Ескерткіш монеталарды «Қазақстан Республикасы Ұлттық Банкінің Қазақстан теңге сарайы» шаруашылық жүргізу құқығы бар республикалық мемлекеттік кәсіпорны дайындаған.
Монеталардың дизайны Қазақстан Республикасы Президентінің 2003 жылғы 25 қыркүйектегі № 1193 Жарлығымен бекітілген Ұлттық валюта – Қазақстан теңгесі банкноттары мен монеталары дизайнының тұжырымдамасына сәйкес әзірленген.
Ескерткіш монеталардың бір мың данасы арнайы пластикалық термовакуумды ораумен сатуға арнап шығарылды.
Монеталарды Қазақстан Республикасы Ұлттық Банкінің барлық филиалдарында сатып алуға болады. Алматы қаласындағы мекен-жайы: Панфилов көшесі, 98. Анықтама телефоны (727) 273-83-98.
Барынша жан-жақты ақпаратты мына телефондар арқылы алуға болады:
+7 (727) 2704-639,
+7 (727) 2704-998;
E-mail: press@nationalbank.kz
(www.nationalbank.kz)